சும்மா பறந்து பறந்து ஆடியோ ரிலீஸ் : அசத்தும் உலகநாயகன்

விஸ்வரூபம் டிரெய்லரையே 100 நாட்களுக்கு மேல் ஓட்டி சாதனை படைத்துள்ள உலக நாயகன்  கமல்ஹாசன், படத்தின் ஆடியோ ரிலீசை, 3 நகரங்களில் நடத்த திட்டமிட்டுள்ளார். இதற்காக, அவர் சார்ட்டர்ட் ரக விமானம் ஒன்றையும் வாடகைக்கு எடுக்கிறார்.

இதுகுறித்து, கமல்ஹாசனின் செய்தித்தொடர்பாளர் கூறியதாவது, விஸ்வரூபம் திரைப்படத்தை  உலகமே பெரும் ஆவலுடன் எதிர்பார்த்துக் காத்துக் கொண்டிருக்கிறது. கமல்ஹாசன் கதை திரைக்கதை , வசனம் எழுதி மற்றும் இயக்கியுள்ள விஸ்வரூபம் திரைப்படம், சர்வதேச தரத்தில் வந்துள்ளது. இதன் ஆடியோ ரீலிஸ், கமல்ஹாசனின் பிறந்தநாளான நவம்பர் மாதம் 7ம் தேதி நடைபெற உள்ளது. மாநிலத்தின் முன்னணி நகரங்களான மதுரை, கோவை மற்றும் சென்னை என 3 இடங்களில் ஆடியோ ரீலிஸ் நடைபெறுகிறது. இதற்காக, கமல், சார்ட்டர்ட் விமானம் ஒன்றை வாடகைக்கு எடுக்க உள்ளதாகவும், ஆடியோ ரீலிசில் பங்கேற்க உள்ள சிறப்பு அழைப்பாளர்கள் குறித்து தற்போது பணிகள் நடைபெற்று வருவதாக  அவர் கூறினார்.

விஸ்வரூபம் படத்தின் ஆடியோ ரீலிஸ் அன்றே, படம் வெளியாகும் தேதியை கமல் அறிவிப்பார்   என்று அவரது ரசிகர்கள் பெரும் எதிர்பார்ப்பில் உள்ளனர்.